水草情迷

請師兄們俾下建議：

缸: 48"X16"X20"(H)，泥面到水面大概 16"。
光源: 4X T5 X 48" 6500K 光管，其中一支帶紫紅光，日照8.5小時左右。
濾桶: Tetra 1200 ，出水管離水面5" 由左至右噴水。吸水管離水面2"深入水。每星期換水兩次，每次 1/4左右。
水草: 柳葉，絲葉雪花，火焰莫絲，三角莫絲，黑木厥，蘋果草，東方美人(皇冠?)，椒草，黃金榕，紅宮庭 (啲名我唔係好熟，請諒。
佈置: 全山谷石。
魚：藍神仙，旗，紅鼻，金青苔(2)，飛狐(7)，小精靈(6)，螺，mini 琵琶(鬍鬚仔?)(4)同大和蝦(6)。
養份: ADA brighty K, ADA Green brighty Step 2, Seachem Flourish Trace

現象:啲魚健康良好，啲水草生長算OK，但既葉面不斷生青苔，啲黃金榕最嚴重，新葉生左三四日開始有一點一點青苔係葉面好難睇，啲舊葉就綑黑邊，啲柳葉一樣綑黑邊，黑木厥老小小啲葉都綑黑邊，莫絲同絲葉雪花似乎OK，東方美人啲舊葉有青笞，啲新葉出左四五日就開始有漬，唔得新鮮。啲椒草就半生不死，生啲啡葉出黎無幾耐就有一點點青笞係葉面。啲蘋果草老一啲葉就變成青苔地盤，啲紅宮庭啲葉唔得健康，又瘦又扭曲咁，有啲老葉仲脫色現左一點點綠色。啲金青苔，飛狐，小精靈，螺，mini 琵琶好似好努力咁食，但仰制青苔效果唔大。

問題：個缸既cycle 有冇什麼問題而令啲青苔揮之不去？是否啲養份配搭有問題？有什麼藥可以仰制青苔生長？啲光源是否太強呢？

請師兄們幫吓手，謝謝。

試吓減肥，我之前都係咁，小心石頭都有。（我一星期落一次肥，分段落）

啲石頭反為唔嚴重，不過我都一個星期用牙刷清刷一次。

請問師兄落邊幾隻肥，點分段落法？我好欣賞師兄個缸啲草好翠綠。

我開缸兩個月後用ADA brighty K，換水加三吓。ECA 二滴。之後過兩日唔見青苔會落EXCEL同STEP 2兩吓。ADA Green brighty Lights就小心啲，因好易爆。半吓算。不過我自己估啫，缸Ok，但都有小小青苔。

多謝賜教分享，我剛剛拔晒啲蘋果草同黃金榕，仲剪左大半柳葉，希望啲青苔無左呢啲「地盆」附體，生唔到咁猖獗，我諗住唔落肥一個星期觀察吓情況再決定下一步。

祝你KO啲青苔

開缸幾耐？用泥底定沙底？
好似唔見你有加c02？
見你燈具有唔度至爆青苔丫！我諗你爆藻多,重要唔係一樣添
最好有相睇下,有埋全景就最好啦

請問呢位師兄
蘋果草易唔易種架
生得快唔快

onduty師兄，多謝回應，我有啲相係呢度:

viewtopic.php?f=5&t=143093&st=0&sk=t&sd=a

有 CO2唔記得寫。應該係離泥面 2" 吸水，寫錯左。
養大概30魚左右。
原本出水管係泥面由下至上噴水，依家改左希望增加水流。

好易種，兩三棵可以種一大叢。