前言： 小分用開既海利150a越黎越唔夠凍，屋企又咁橋有部之前拆落既一匹分體冷氣 （壞室內風機），因此就萌生改裝成水冷既念頭。
溫控＋鈦炮 （小弟買壺型，怕第時玩咸水既咸氣影響接駁冷氣既銅喉）
油麻地賣工程野果條街間水冷舖： 鈦炮 （管 or壺同價＄780）＋ 溫控 （＄120）不連索掣
屯門工業村賣冷氣用品既叔叔（有隻貓同個小妹妹係間舖度既）： 鈦炮 （管＄420 ／ 壺＄520） ＋ 溫控 （＄150）不連索掣
經過明查暗訪及格價後，最後。。。。。
淘寶最平。。。
鈦炮 198人仔 ＋溫控箱連索掣 150人仔 ＋ 32人仔去dimbuy中轉 ＋ 36蚊人仔到香港
盒入面既索掣，黎到已經駁好曬線，兩入兩出，簡單方便。。。。。。香港d剩係賣個溫控比你，無電工知識唔好試。
壞室內風機剩低既舊一匹室外機，年幾前好似成套 ＄2000幾
用410a環保雪種，小心confirm銅喉駁好，因為410a好q貴，一支大既30磅成千蚊，部機放曬用 3－4 磅左右，但係細支都唔平，成兩舊水一支得好似 3 磅。。。。
所以一定要confirm所有喉整好先bear氣！
鈦炮原裝黎係用 4 分頭，而一匹機出入雪種係 2 同 3 分，所以買左幾個轉頭。。。。。。。
其實冷氣一般唔主張用轉頭，怕會漏。。。。。但係小弟無用火槍＋銀銲既經驗，以簡單diy為上。。。。用轉頭算。
借番黎既專業擴喉咀用具，套野唔平架～～
由於部機放左係度好耐，所以放係地下試行兩日
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
測試完之後，就正式上牆喇
分體冷氣上牆架 ＄128
呢下就真係考功夫，重有真係要兩個人先抬到上去，唔怪之得人地專業裝分體收成千幾二千銀一部，真係好辛苦架！
用上面套擴喉咀用具將銅喉打成喇叭咀，記住買包住銅喉既豬腸膠管呀 （＄10 ／ 6尺）
溫控鑽洞上牆，個盒本身無開洞，要咩洞自己開，好方便！
正式運行 ！！
經過兩日測試，小弟室外既3尺水晶蝦缸，set 24度，2度溫差先著機，一個小時開一次，七分鐘左右就夠凍由26落番24度，比以前海利基本一個小時入面有成半個鐘製冷差好遠。
1匹機基本上可以夠室外 7 尺缸用，而家用住係3尺缸先，因為未有時間去訂造個七尺缸咸水缸～～
網路上有關改造分體做水冷既文章不多，希望今次呢篇野幫到各位師兄。
登入
註冊
問答集
