|
三個月的試驗完結,係時侯做個總結。
回想開缸目的是想找到用自然光,無CO2,用天然肥(仙土)去維持一個平衡點,結果就在眼前,在嘗試過程中給收到的經驗,希望同各位分享一下。
水溫平均29度
底床,最底仙土,面鋪石英碎砂
換水前後ph:7
換水前kh:7,換水後kh:2
日照時間:12小時以上
換水:隔日三份二
肥料:無再潻加,相信仙土已能提供足夠養份
生存下來的植物:迷你蕉,珍珠莫斯,鹿角鐵皇冠,爪哇莫斯,迷你水榕,氣泡草及一最重要功臣:浮萍
退下火線的植物:三角莫斯
游咗上天堂的魚:3條三角燈,1條小精靈,3條紅肚鉛筆
1.今次試驗可以講選咗一個最差嘅時間,6-8月炎熱指數高居。6月尾因要出差以至有整整一星期無打理,結果出事,絲藻,綠水齊來。解決方法,用除藻藥及加紅肚鉛筆,其間每天換水一半,一星期後,絲藻消失,但綠水揮之不去。
2.為解決綠水問題,換水固然必要,但改善水質更重要,過濾最初以自制水妖過濾,水雖然清,但因水妖吸水口太高,令下半部水循環小,太多廢物積聚,後來改了最原始的底循環過濾,將氣打入砂底再經喉引到水面。
3.過濾改善了,但綠水祗有小許改善,其間做過一個些實驗,將個缸放在窗邊唔同嘅位置,由一層防UV隔熱貼加至兩層,加密換水及改變換水時間,發覺雖然有改善,但始終未滿意。大約七月中的一個星期日,我發覺原來陽光在正午大約有兩小時會從缸頂直射入水內,而其後更發覺直射嘅時間因太陽嘅照射角度因季節一路向南偏而越來越長,於是我開始找方法去擋那些陽光,最後選擇了浮萍,浮萍嘅好處是擋咗正接射入的陽光,生長快速,吸收水中多餘嘅養份。正如我所預料,浮萍在短短一個月快速成長,覆蓋了9成以上缸面,由換水嘅色水已經有答案,到此,綠水問題已經解決,可以講現時已掌握到個平衡點,水草也在健康成長。
4.一個一直令我百思不得其解嘅問題,一開始到現在,缸面都沒有青苔,連水榕一粒綠點都無,係因為水太硬,換水次數有關,天然光還是其他原因呢?
5.有得必有失,在不段頻密換水,kh急上急落,小小魚兒就游咗上天堂。三角莫斯不知是否適應唔到高水溫,高KH,及低光照,結果祗生唔出個三角,祗生出條梗,到最後半生不死,所以將它退役,兩難全,可惜!
您沒有權限檢視這篇文章所附加的檔案。
最後由 GWU 於 2004-09-05 08:45 編輯，總共編輯了 1 次。
|
登入
註冊
問答集
有創意波
Anyway多謝各位,起碼有樣野吸引到大家注意,我祗係希望個試驗會對新人有D啟發。
今次點評都好啦,哩次哩個係生態嘅演繹,唔係做景,求其整番整齊D見得人咁解姊!我要插得好睇D應該可以。但要在這個特定嘅環境下生唔生到,先至係我今次要交嘅功課。我可以買夠草插完在窗邊影張相咁交功課,但太無意思啦!靚有時唔一定睇表面嘅。如果唔係天野尚就唔會覺得"自然的演繹"及"時間的經過"的重要。 