水草情迷

大家好小弟近呢一兩年重拾返 "水草缸興趣", 由於有一段時間因為工作關係, 沒有辦法繼續...香港家居環境空間有限, 唔想搞大魚缸, 反而我攪咗一個一尺細草缸 。都可以好花時間,錢... 最重要係 '"好俾心機" 攪... 有15個品種: 陽性草, 暗性草亦都有不同嘅椒草。 這麼細少嘅環境下, 盡量滿足前中後景 (有改善空間: 前中景啲草還未生夠高, 還欠層次感 ) ....由於我係鋪ADA沙底...大部份水草, 不適宜落沙底種... 所以係差不多每一棵草都有自己一個獨立嘅 "地基"。 "沉木", "火山石", 有的是 "駝草" 的泥包, 有些草 (虎紋睡蓮 及 四色睡蓮) 係可以插係沙底來種植, 這樣我每次清理魚缸, 只需要將佢哋好似Lego咁攞起, 然後可以徹底吸底沙嘅污物。可以因應需要再重新鋪排位置

當然我仍然係支持DIY CO2嘅, 今時今日, 淘寶好方便, 所以個DIY CO2, 某部份程度上亦都upgrade咗, 同埋有些部件係成組買返嚟方便好多。所使用嘅DIY CO2 包含壓力錶, 亦都有計泡器同埋調教壓力旋鈕及洩氣閥, 又平又方便。 今次我用咗兩個600M L嘅汽水膠樽, 一邊放檸檬酸, 另一邊放小蘇打。 DIY得來, 感覺上個操控實在俾我2003 時 DIY CO2好多了。